Overvektige barn har større risiko for astma

Nivå av immunoglobulin E-nivå aukar lineært med vekt. På grunn av dette har barn med fedme auka risiko for atopi. I studien rapporterte barn med fedme i større grad at dei hadde astma enn normalvektige barn (odds ratio 1,68, 95 % konfidensintervall 1,33-2,12). Studien er basert på data frå 1999 til 2006, og undersøker samanhengen mellom fedme, astma og allergi hos barn mellom 2 og 19 år.

Assosiasjonen var større blant barn utan atopi enn blant barn med minst eitt positivt spesifikt IgE-resultat. IgE-nivåa auka med BMI (body mass index) i eit signifikant dose-responsforhold, og oddsen for å ha minst eit positivt spesifikk IgE-resultat var auka blant barn med fedme samanlikna med normalvektige barn.

Fedme kan vere ein faktor som bidreg både til auka prevalens av allergisk sjukdom og astma hos barn, og kan involvere ein inflammatorisk mekanisme. C-reaktivt protein (CRP)-nivå er assosiert med både atopi og astma. Det er vanskeleg å skilje om det er ein inflammatorisk prosess forårsaka av fedme, eller om det er på grunn av lågare treningsnivå, eller andre faktorar.

Overvekt gjer også at astmaen blir vanskelegare å kontrollere. Barn med fedme reagerer ikkje på same måte som normalvektige barn på dei same medikamenta. Dei må ofte ha nærare oppfølging enn normalvektige barn.

Les meir:
Medscape