Trening forbetrar patellofemoral smerte

Pasientar som følgjer eit 12-vekers treningsprogram, har signifikant mindre smerter, både i kvile og i aktivitet, og høgare funksjonsnivå, etter tre månadar og eitt år, enn dei som får råd om ro og kvile frå legen. 131 pasientar mellom 14 og 40 år med kroniske patellofemorale smerter deltok i studien som skal publiserast i British Medical Journal. Treningsprogrammet inkluderte å trene opp quadricepsmuskulaturen, med fokus på styrke, fleksibilitet, balanse og koordinasjon, med progressivt aukande kompleksitet over tid. Utfallet av studien viser at treningsrettleiing er meir effektivt enn «vente og sjå»-haldninga som blir praktisert av mange legar.

Tidligare studiar på dette området har vore begrensa og inkonklusive. Eit viktig steg vidare i forskinga på dette området vil vere å sjå på kva for komponentar i treningsprogram som er mest effektive, spesielt kva for rolle hoftemuskulaturen spelar. Pasientgruppa med patellofemoral smerte er heterogen, og det er difor truleg at ulike subgrupper av pasientar har nytte av ulike øvingar i treningsprogrammet. Same treningsprogram vil ikkje nødvendigvis verke for alle.

Les meir:
Medscape