Urintest for å avsløre lungekreft?

Røykarar har 10 til 30 gongar større risiko for å utvikle lungekreft enn menneske som ikkje røykjer. I USA er om lag 90 % av mennene som døyr av lungekreft røykjarar, og 80 % av kvinnene. Vi veit at dess meir ein røykjer, dess større er risikoen for å få lungekreft, men det er berre ein av ti storrøykjarar som utviklar lungekreft. Det er ingen måte å forutsjå kven som vil komme til å utvikle sjukdommen. Forskarar håpar no at ei urinprøve kan hjelpe til med dette. Sjølv om det framleis kan ta fleire år før denne testen vert fullt utvikla, er håpet å identifisere menneske med høg risiko når det framleis er tid til å forhindre eller behandle kreften.

Data frå to studiar, ein som omfatta 18 000 menn, og ein som omfatta 63 257 menn og kvinner, vart brukt som utgangspunkt for å utvikle testen. Blod- og urinprøver frå deltakarane og svar på spørsmål om røykjevanane deira vart undersøkte. For vidare analysar tok forskarane utgangspunkt i 245 røykjarar med lungekreft og 245 røykjarar som ikkje utvikla lungekreft. Forskarane har sett på ulike kjende karsinogen i sigarettar, og målt nivåa av dei i urin. Desse var assosiert med risikoen for å utvikle lungekreft, sjølv når tal på sigarettar, kor mange år deltakarane hadde røykt, og andre risikofaktorar vart tekne med i vurderinga. Målet er å utvikle ein risikomodell som inkluderer ulike biomarkørar i tillegg til røykjeanamnese, slik at ein på best mogeleg måte kan identifisere røykjarar som vil komme til å utvikle lungekreft.

Les meir:
Medscape