Lågt til moderat alkoholforbruk aukar risikoen for kreft hos kvinner

Blant middelaldrande kvinner er den viktigaste dødsårsaka kreft. Risikoen for kreft aukar proporsjonalt med konsumert mengd alkohol. Tidlegare studiar har funne ein samanheng mellom stort alkoholforbruk og kreft hos kvinner, men i denne studien kom det fram at det også er ein samanheng mellom lågt til moderat alkoholforbruk og kreft. Forskarane estimerte ein bakgrunnsinsidens på 118 cancerdiagnosar per 1000 kvinner opp til 75-årsalder. Hjå dei som konsumerer ein drink for dag, aukar insidensen med 15 krefttilfelle per 1000 kvinner, og 2 drinkar aukar insidensen med 30 ekstra krefttilfelle per 1000 kvinner. Forskarane fann at det var mest brystkreft, men risikoen for kreft var også auka i lever og rectum, og i munn og hals hjå kvinner som røykte i tillegg.

Sjølv om det er velkjent at for mykje alkohol kan vere skadeleg for helsa, har ein del forsking dei siste åra hevda at alkohol i små mengder kan vere bra for det kardiovaskulære systemet. Dette har ført til at det har blitt moderne å drikke for «hjartet si skuld». Denne studien viser at eit lågt til moderat alkoholforbruk kan ha skadelege verknadar på kroppen. Det er viktig å informere kvinner om dette.

Kvinnene i studien hadde ein gjennomsnittsalder på 55 år. 75 % av kvinnene gav opp at dei drakk alkohol. Det gjennomsnittlege konsumet var ei alkoholeining per dag. Få drakk meir enn tre drinkar for dag.

Les meir:
Medscape