Ingefær hjelper mot kvalme ved kjemoterapi

Ein ny studie har vist at supplement med ingefær i tillegg til standard antiemetika reduserer kvalme hos pasientar som får kjemoterapi. Trass i utbreidd bruk av antiemetika blir det rapportert kvalme hos meir enn 70 % av pasientar som får kjemoterapi. Spesielt er dei første dagane av behandlinga verst. I studien hadde dei pasientane som tok antiemetika med ingefærsupplement 40 % mindre kvalme. Studieobjekt som fekk placebo rapporterte nesten inga endring i kvalme. Alle pasientane fekk standard antiemetika (5-HT3)og anten ingefær eller placebo i kapselform. Dosar svarande til ¼ til ½ teskei med fersk ingefær gav best resultat.

Ingefær er eit vanleg krydder. I mange år har ingefær blitt brukt over heile verda for å behandle gastrointestinale plager slik som kvalme. Forskarar har ikkje greidd å identifisere den eksakte mekanismen , men forsking har vist at ingefær verkar som ein potent antiinflammatorisk substans i magen.

Materialet er basert på ein kohortstudie med 644 cancerpasientar, primært kvinner. Pasientane rapporterte kvalme på ein 7-punkts skala. Pasientar som brukte ingefær oppgav at dei i gjennomsnitt hadde 1 eller 2 ved rangering av kvalme, medan dei som fekk placebo i gjennomsnitt oppgav 4. Konklusjonen vart at supplement med ingefær på ein dagleg dose på 1,5-1 g signifikant reduserer kvalmen første dagen under kjemoterapibehandling.

Les meir:
Medscape