Assosiasjon mellom metabolsk syndrom og vaskulær demens

Metabolsk syndrom er ei utbreidd samling av risikofaktorar for hjarte- og karsjukdom: hypertensjon, auka livvidde, høge nivå av triglyserid i blodet, låge nivå av HDL-kolesterol, og forhøgd fastande blodsukker. Forskarane undersøkte assosiasjonen mellom dei ulike komponentane i metabolsk syndrom og risikoen for demens, og subtypane Alzheimers sjukdom og vaskulær demens.

Av dei 7087 deltakarane i studien hadde 15,8 % metabolsk syndrom. Desse hadde auka risiko for vaskulær demens, men ikkje for Alzheimers sjukdom. Den einaste komponenten i metabolsk syndrom som var signifikant assosiert med demens og vaskulær demens, var høge triglyseridnivå. Det vart også funne ein signifikant samanheng mellom diabetes og demens og vaskulær demens. Forhøgd fastande glukose var ikkje assosiert med nokon av demenstypane.

Samanhengen mellom forhøgd nivå av triglyserid, diabetes og vaskulær demens viser behovet for påvising og behandling av vaskulære risikofaktorar hjå eldre for å forhindre utviklinga av klinisk demens.

Les meir:
Medscape