Gode grunnar til å sove lengre

Lengre målt søvnvarighet er signifikant assosiert med redusert kalsifikasjon i koronarkara. Fordelen med ein time ekstra søvn kan samanliknast med fordelen ein får av å senke det systoliske blodtrykket med 16,5 med mm Hg. Av dei 495 deltakarane i studien utvikla 12 % kalsifikajon i koronarkara i løpet av 5 års oppfølging. Kalsifiserte arteriar vart funne hjå 27 % av dei som sov mindre enn 5 timar, hjå 11 % av dei som sov 5 til 7 timar, og hjå berre 6 % av dei som sov meir enn 7 timar per natt. Fordelen var størst hos kvinnene i studien. Denne studien er den første som objektivt knyter søvnlengd til ein markør for hjartesjukdom.

Forskarane har ulike teoriar om assosiasjonen mellom søvn og kalsifikasjon i koronarkara. Ein mekanisme kan vere høgt blodtrykk. Blodtrykket blir lågare når ein søv. Det er mogeleg at folk som søv mindre ikkje har har eit like langt eller stort fall i blodtrykket om natta som andre som søv meir. På denne måten kan 24-timarsblodtrykket deira vere relativt høgre enn trykket deira på dagtid ser ut til å vere. Ein annan mogeleg mekanisme bak denne assosiasjonen kan vere kortisolnivå. Dersom folk søv lite, aukar kortisolnivået. Andre studiar har vist at høge kortisolnivå er ein risikofaktor for koronar arteriekalsifikasjon.

Det kan også vere er at denne assosiasjonen er eit resultat av konfunderande faktorar. Ein veit lite om kva for faktorar som påverkar kor mykje folk søv. Det er mogeleg at kombinasjonar av desse faktorane også påverkar risikoen deira for koronar arteriekalsifikasjon. Dersom dette er tilfellet, vil truleg ikkje det å endre søvnmønsteret i seg sjølv ha noko å seie for utviklinga av kalsifikasjon i koronarkara.

Les meir:
Medscape