Klinikarar føreskriv ofte placebobehandling

Å føreskrive placebobehandling ser ut til å vere vanleg, og blir sett på som etisk forsvarleg blant indremedisinarar og revmatologar i USA. Dette rapporterer BMJ online first 24. oktober. Føremålet med denne nye studien var å beskrive haldningar og åtferd knytte til placebobehandling. Ved placebobehandling kjem fordelane av behandlinga frå dei positive haldningane pasientane har til behandlinga, og ikkje mekanismen av behandlinga i seg sjølv.

Indremedisinarar og revmatologar rapporterte sjølve svara sine på undersøkinga. Forskarane ville finne ut om klinikarane hadde tilrådd eller ville bruke placebobehandling, dei etiske vurderingane deira i forhold til dette, kva dei anbefalte som placebobehandling, og korleis dei kommuniserte med pasientane sine om dette.

Om lag halvparten av dei som svarte anbefalte placebobehandling til pasientane sine regelmessig. 62 % meinte at dette var etisk forsvarleg. Få rapporterte at dei gav salt- eller sukker haldige pillar (henholdsvis 3 og 2 %). Mange rapporterte at dei hadde anbefalt ikkje-reseptbelagde analgetika (41 %) og vitaminar (38 %) siste året. Nokre rapporterte også at dei gav antibiotika (13 %) og sedativa (13 %) som placebobehandling.

Les meir:
BMJ
Medscape