Keisarsnitt aukar risikoen for astma

av Idun Alma Torvik Ramsdal — sist endret 16.02.2009 - 00:51

Barn som blir fødde ved hjelp av keisarsnitt, har auka risiko for å utvikle astma. Dette gjeld spesielt dersom foreldra har ei sjukehistorie med allergiar.

På grunn av forseinka mikrobiell kolonisering, har keisarsnitt vore ein antatt risiko for astma, sjølv om dette forholdet har vore kontroversielt. I ein ny studie vart data frå 2917 barn analyserte for å måle assosiasjonen mellom keisarsnitt og astma eller allergensensitisering ved åtteårsalder.

Totalt hadde 12,4 % av barna astma ved åtteårsalder, og prevalensen av keisarsnitt var 8,5 %. Odds ratio for astma assosiert med keisarsnitt samanlikna med astma assosiert med vaginal fødsel var totalt 1,79. Odds ratio for barn med ein eller to allergiske foreldre var høvesvis 1,86 og 2,91, samanlikna med berre 1,36 for dei med foreldre som ikkje hadde allergiar. Keisarsnitt var også knytt til allergensensitisering , men berre hjå barna utan allergiske foreldre (OR = 2,14).

Desse resultata understrekar at det er viktig med arv- og miljøinteraksjonar i utvikling av astma hjå barn. Den aukande raten av keisarsnitt er delvis på grunn av krav frå mora utan at der er medisinske grunnar. I denne situasjonen bør mora bli informert om den auka risikoen for at barnet hennar får astma, spesielt dersom foreldra har astma eller allergi sjølve.

Les meir:
Medscape

Personlige verktøy

Keisarsnitt aukar risikoen for astma

Side-alternativer