Naturlege hormon beskyttar kvinner mot Parkinson

av Idun Alma Torvik Ramsdal — sist endret 22.04.2009 - 09:44

Lang eksponering for naturlege hormon ser ut til å beskytte kvinner mot Parkinson. Dette kan bidra til å forklare kvifor Parkinson oftare blir diagnostisert hjå menn enn hjå kvinner.

Ca. 60 % av dei som blir diagnostisert med Parkinson er menn, medan berre 40 % er kvinner. Ifølgje ein ny studie har kvinner med lang tid mellom første menstruasjon og menopause lågare risiko for å utvikle Parkinson. Det verkar difor som om endogene hormon har ein nevroprotektiv effekt på kvinner.

74 000 kvinner med naturleg menopause, og 7 800 kvinner som kom i menopause på grunn av kirurgi, deltok i studien. Blant kvinner med naturleg menopause hadde dei som var fertile i meir enn 39 år, 25 % lågare risiko for å utvikle Parkinson.

Forskarane fann også ut at dei kvinnene som hadde hatt 4 eller fleire graviditetar hadde 20 % større risiko for å utvikle sjukdommen enn kvinner som hadde gjennomgått 3 eller færre graviditetar.

Sjølv om hormonelle faktorar ser ut til å spele ei rolle for å endre risikoen for Parkinson, ser det ikkje ut til at hormonbehandling reduserer risikoen. Hormonterapi hadde ingen effekt på risikoen for Parkinson hos kvinner med naturleg menopause. Resutata indikerer at kvinner ikkje bør starte eller fortsetje med hormonterapi med den intensjonen å endre risikoen for Parkinson.

Les meir:
Medscape

Personlige verktøy

Naturlege hormon beskyttar kvinner mot Parkinson

Side-alternativer