Lev lenger med høgt testosteron

denne studien vart nesten 2000 menn mellom 20 og 89 år følgde i gjennomsnitt 7,2 år. Dei vart delte inn i to grupper på grunnlag av testosteronnivå: ei gruppe med låge verdiar (mindre enn 8,7 nmol/L) og ei gruppe med høge verdiar (over 8,7 nmol/L). Forskarane samanlikna dei to gruppene etter mortalitet uansett årsak, og mortalitet på grunn av ulike spesifikke årsaker. Studien vart gjort av Robin Haring og kollegaer ved Institute for Community Medicine and the Department of Internal Medicine ved Ernst-Moritz-Arndt University i Greifswald, Tyskland. Konklusjonen vart at menn med låge verdiar har dobbelt så stor risiko for død.

Menn med låge verdiar hadde ein signifikant høgre risiko for død uansett årsak. Når det gjaldt spesifikke dødsårsaker, hadde dei med lågt testosteronnivå auka risiko for død på grunn av cancer og hjartesjukdom. Dette peikar mot at ein bør bli meir aggressiv på å behandle låge testosteronnivå, sjølv utan symptom. Mange overvektige yngre menn med låge testosteronverdiar har ikkje symptom.

Menn som hadde låge verdiar, tenderte mot å vere eldre og hadde høgare prevalens av diabetes, hypertensjon og metabolsk syndrom. Haring understrekar at det kan vere vanskeleg å avgjere om testosteronet var ei årsak eller ei følgje av dei kardiovaskulære risikofaktorane.

Les meir:
Medscape